॥ बोबडे बोल ॥©
सावरलेली जख़म
किती घातलेत तू घाव
समजून की मी बिघडलो…….
गुरफटुन घेतलेस असे काही
अन, मी आज असा – घडलो
तु परिस अन मी लोह
सावलीत तुझ्या – वावरलो……
काय होतो काय झालो
अन, मी आज असा – घडलो..
तुझ्या टाकीच्या घावांन्नी आज मी सावरलो
काय होतो काय झालो
अन, मी आज असा – घडलो ।। ।।
घडवलेस तू
उठवलेस …….तू
जिद्दिस माझ्या – पेटविलेस तू
ओल्या जखमांन्ना माझ्या
हळूवार फुंकलेस …..तू
पदो पदी घडली सप्तपदी
या जन्मी मज सावरलेस तू……..
गुरफटुन घेतलेस असे काही
अन, मी आज असा – घडलो
काय होतो काय झालो
अन, मी आज असा – घडलो
उपकारांत तुझ्या, सदा
आकंठ – आता मी पुरता बुडलो
काय होतो काय झालो
अन, मी आज असा – घडलो ।। ।।
॥ बोबडे बोल ॥©
एक गज़ल
©संदीप बोबडे